محاورة بين الشاعرين رشيد بن معدي وذيب الشمري
رشيد :
الله يحيي الجميع بحفلة ابـن حمـد=مسلم الشيخ ابن بـداي راع الشـداد
ياذيب يالشمر يحضـر وخلـك ولـد=وادر إن راس الفتيلة عند خشم الزناد
ذيب :
عسى البقا فيك وأنت الشاعر المعتمد=أنته مدير الفريق وريـس الاتحـاد
مافيه داعي نحط السبت قبل الأحـد=حتى تجلى غيوم الشـك والاعتقـاد
رشيد :
أنا ما أذمك مثقف لـك نصيـب الأسـد=يوم إن بعض العرب من وقفته ما استفاد
اضرب عدد في عدد واطرح عدد من عدد=حتى يقولـون مثـل قصـة السندبـاد
ذيب :
عسى العيون الكريمة مايجيها الرمد=من شاننا مانقول النار تخّر رمـاد
ياعبس بإسرافكم ضاع اقتصاد البلد=قولوا لشمر تنمي باقـي الاقتصـاد
رشيد :
الله يكافيك شر أهل القشر والحسد=وإنه يجاهد صحيب مانبيله جهاد
لاعاد تدلي بحجه ماعليها سنـد=أقول ياعبس ياشمر هذا الود واد
ذيب :
علاج الأرواح يفرق عن علاج الجسد=يماخذ حكمتك من عمتـك شهـرزاد
عسى حطبكم جمر وحبالكم من مسد=إذا نثرتوا حياض النصح والانتقـاد
رشيد :
أنا وليد البلد وأدرى شجون البلـد=والا أنت عمتك ترحل من بلاد لبلاد
يابوجهل لويطق براسك أكبر وتـد=تقول أنا مستعد لكرة مـع طـراد
ذيب :
عمتك فيها روماتيزم وفيها كمـد=لاشك أنا عمتي تقدر تشيل العتـاد
مهما تزيد البرودة عزمنا مابـرد=مانعتني في ظروف الجو حر وبراد
رشيد :
ياذيب لاتروع العالم بترعـة زبـد=حنا عرب مانحب لجارنا الإضطهـاد
يكم وياكم وياكم ضـاع مـال لُبـد=حتى نقول أنت مسلم بين ملحة وزاد
ذيب :
أنتم حماة العروبة في السنين الجدد=لا نام أحدكم يحط العلك تحت الوساد
يالربع لامن نخيتونا نجيكـم مـدد=تبغى تعود علوم القوم مسك وزبـاد
الإهداءات
رشيد بن معدي وذيب الشمري .
العرض العادي
