بديت باسم اللي عزيز جلاله = الواحد المعبود رب الثقلان
ومن بعد ذكر الله كتبت الرسالة = والخط ميرسل على غير عنوان
عنوانها ياأهل الوفا والجمالة = منكم وفيكم ياطويلين الأيمان
في ندوة أهــل المجد وأهل الأصالة = اللي لـهـم بالطيب مركز ومسكان
باللي قريب ومن بعيد عنا له = يامرحبا ترحيبةٍ تبري الأحزان
ورشيد يكتب ماتصور بباله = ويحول الجملة على وزن الألحان
هذا وطن غالي وحنا عياله = وحنا حماته من قديمات الأزما ن
لأن الوطن يفخر بوقفة رجاله = بذودٍ عن حدوده ونهضة وعمران
وأميرنا صباح لاشان فاله = هـو عزنــا هــو فخرنا حــامي الأوطان
عساه يمهل له عزيز الجلالة = بالدين والدنيا وصحات الأبدان
ياعزوتي ركب الرشا بالمحالة = والخيل قرح وأجرد الخد مــيــدان
بني رشيد إن طق جالن بجاله = فكاكة العطفة ضحى يوم الأكوان
خيالــهم يندب بجده وخاله = ولهم بعز المجد قادة وفرسان
والكذب ضلماء والتهاون جهالة = والصدق نور ومنهج العلم سلطان
السبت راعي الصدق تارد حباله = وأصواتكم يا أهــل الوفا شانها شان
قوموا بصف الحق واللي سعى له = حسب النظام وينخزي كل شيطان
وقفة شرف ماهي بوقفة ختالة =والله يجازي راع الأحسان بإحسان
وأنتم تخيرتم رجال العدالة= وأنا ما أخص فلان وفلان وفلان
اخترتم اللي كل ماجاء مجاله = قيل ونعم والنعم للطيب برهان
وأنا أتحرى النصر يبدي هلاله =هذا الصحيح وزبدة الهرج نيشان
أربع كراسي باسمكم لامحالة =والعذر ماينفع لياكان ماكان
والعزمطلب ماندور بداله =والدائرة جــيـــران وأ قــراب وإخــوان
وأهــل الكــويت إخوان في كل حالة =أقولها من قلب وإحساس ولسان
وخــتــم الكلام اللي بديت بمقاله = أرجـــو السموحــة كان بالقاف نقصان
وصــلاة ربي عـــد ما أمطر خــيــاله = على النبي الهاشمي نجل عدنان